نئی دہلی3اپریل (ایس او نیوز؍ آئی این ایس انڈیا)دہلی ہائی کورٹ نے وزیراعلیٰ اور عام آدمی پارٹی (اے اے پی )کے کنوینر اروند کیجریوال کے معافی مانگ لینے کے بعدوزیرخزانہ ارون جیٹلی کی جانب سے دائر 10کروڑ روپے کے ہتک عزتی کا کیس آج بند کرنے کا حکم دیا۔جسٹس منموہن نے یہ فیصلہ وزیر خزانہ مسٹر جیٹلی کی طرف سے دہلی کے وزیراعلیٰ کی معافی قبول کرلیے جانے کے بعدکیاہے۔مسٹرکیجریوال،پارٹی لیڈر سنجے سنگھ اور آشوتوش نے ایک مشترکہ خط لکھ کر وزیر خزانہ سے کل معافی مانگ لی تھی،جس کومسٹر جیٹلی نے قبول کرلیاتھا۔
